July 02, 2017
He mangai matua hou o Whai Rawa
He mangai matua hou o Whai Rawa
Kua wehe atu te tahuhu rangapu o te ringa pakihi o Ngati Whatua, ara, a Rob Hutchison i tana turanga. Koia te tahuhu rangapu o Whai Rawa mo te rima tau. Hei taa Hutchison, kua wehe atu ia ki te whai i etahi turanga ki runga poari. I te rima tau nei, kua piki te uara o Whai Rawa i te toru rau, rima tekau ma ono miriona taara, ki te kotahi piriona taara.
He maha ngaa puukenga taa Jones
Hei taa te mangai torangapu mo Tamaki Makaurau a Peeni Henare, he mea pai te hokinga ake o Shane Jones ki te ao torangapu, ahakoa kaore ia e tuu ana ma Reipa. Kei te tuu ke a Jones ma Aotearoa Tuatahi ki te turu auraki o Whangarei, a, hei taana, ka taea e ia a Shane Reti o Nahinara te turaki.
He aha i tahuri a Jones ki te roopu Aotearoa Tuatahi?
Hei taa Te Ururoa Flavell o te RTM, kaore ia i te marama, na te aha a Jones i kowhiri ai i a Aotearoa Tuatahi hei roopu moona.
Kua whakanui te ao matauranga i te whanau Smith
No te wiki nei i whakawhiwhia ai a Graham raua ko Linda Smith ki nga tohu hiranga a te peremia mo taa raua hapai i nga kaupapa Maori i roto i te ao matauranga. kia tahuri ake tatou ki a Taiarahia Black o Te Whare Wananga o Awanuiarangi.
He aha te huarahi whakamua mo te Paati Maori me ngaa uri o te moana nui a kiwa?
E manako ana te RTM, ma te hono ki One Pacific ka piki te pootitanga ki a ratou. Hei taa te kaiarahi takirua i te RTM, a Te Ururoa Flavell, he painga ka puta ki nga taha e rua i tenei hononga.
Ko Shane Jones te mangai matua tuarua o tana roopu hou
Hei taa te kaiarahi i te roopu Mana a Hone Harawira, kaore e kore ka tohua a Shane Jones hei kaiarahi tuarua i a Aotearoa Tuatahi. No te wiki nei i mana ai i a Jones nga kohimuhimu mo tana hokinga ake ki te ao torangapu i runga i te waka o Aotearoa Tuatahi. Kia tahuri ake tatou.
Copyright © 2017, UMA Broadcasting Ltd: www.waateanews.com