July 06, 2017
He hakari nui mo te hunga rawakore
He hakari nui mo te hunga rawakore
Kei te whakahaere hakari Matariki te tari o Te Puni Kokiri ki Tamaki Makaurau hei awhina i te hunga kainga kore. Hei taa Marty Rogers, tumu whakahaere o Te Puni Kokiri ki Tamaki, ko te hakari nei tetahi o nga kaupapa maha a Te Puni Kokiri hei awhina i nga whanau e oke ana, e whakaraerae ana.
He huarahi hou ka tuuwhera mo ngaa whanau maha
Kei te whakatuuwhera anoo te marae o Te Puea i ona kuaha ki te hunga kainga kore. Hei taa Tunuiarangi Maclean o te marae o Manurewa, ka tautoko ratou i Te Puea.
He tuuranga motuhake mo Fox
E hiahia ana te kaiarahi takirua i te RTM, a Marama Fox kia tuu hei Minita, mena ra ka Kawanatanga ano ratou ko Nahinara. I uru ia ki te whare paaremata i te tau rua mano tekau ma wha, a, mai i taua wa ki naianei, kua horapa te rongo mo tona whakapau kaha ki aana mahi. Hei taana, e hiahia ana ia ki etahi turanga Minita i nga take Matauranga me nga take Tamariki.
He hootaka oohanga maori hou
Rima tekau piriona taara te uara o te Ohanga Maori i tenei wa. Hei taa Tama Potaka, matanga ohaoha, kua whakatuuria he putea whakangao, ara, Investment Fund hei awhina i te whanaketanga o te Ohanga Maori.
E tika ana kia aawhina i ngaa whanau i tenei wa
Kei te whakatuuwhera anoo te marae o Te Puea i ona kuaha ki te hunga kainga kore. Nei ra Huri Dennis, heamana o te marae o Te Puea.
Te Pire whakahoutanga ture whenua maori
Me maatua moohio te iwi Maaori, ka haumaru o ratou whenua i raro i te pire whakahou i te ture whenua Maaori. Koiraa taa te kaiarahi takirua i te RTM, taa Maarama Fox. Heoi, hei taa Hone Harawira o te roopu Mana, taihoa ake tenei pire whakahou i te ture whenua Maori e whakamanatia.
Copyright © 2017, UMA Broadcasting Ltd: www.waateanews.com