July 18, 2017
He tironga hou a te Kaunihera o Tamaki Makaurau
He tironga hou a te Kaunihera o Tamaki Makaurau
E ai ki tetahi purongo hou, e kore e ora nga raru whare o Tamaki i te rautaki ahu whakamua a te Kaunihera. Hei taa te kaituhi i te purongo nei a Vanessa Cole, kaore te rautaki ahu whakamua a te Kaunihera o Tamaki i te korero mo te whakatuu whare paapori hou, a, ki te kore e pera, ka pumau tonu nga raru whare o te wa.
He whenua maori kua whai hua
Kua tuu i te roopu Habitat for Humanity to ratou whare tuatahi ki runga whenua Maori. Ka noho a Te Puna Aaron, Tarryn Moutere me waa raua tamariki ki tenei whare hou ki roto o Tauranga. Na ratou ko Habitat for Humanity, ko Te Puni Kokiri te whare nei i whakatuu ki runga i nga whenua tuupuna o te whanau ra.
Ko wai ka whai hua i te koorero a Winston Peters?
Kei te mohio a Winston Peters, ina kii ia ka whakakorehia e ia nga turu torangapu Maori, ka pooti nga kaki whero ki a ia. Koira taa Willie Jackson o Reipa.
Kua tiimata te tau hou maori
Koinei te wiki e whakanui ai tatou i te maatahi o te tau. Hei taa te tohunga kookoorangi nei, a Takuta Rangi Mataamua, ko te wa tenei e tangaroa ai te marama, a, e wha ra te roa o tenei tu ahuatanga o te marama hei tohu i te maatahi o te tau hou Maori.
Te Tirohanga Whaanui o ngaa iwi
Kei te whanake tonu nga rawa a nga Iwi. Koira te whakatau i roto i te purongo Te Tirohanga Whanui, na te whare tahua ANZ i whakahaere. Toru tekau ma tahi nga hapu me nga iwi i rangahaua mo te purongo nei, wha ira kati ono piriona taara te uara o aua hapuu / iwi ra. Na FOMA me Te Tumu Paeroa te rangahau i tautoko.
Ehara tenei kaupapa i te mea hou
Ko te whawhai i waenganui i te Kahui Hauraki Collective me nga iwi o Tauranga Moana mo te mana whenua, mana moana ki roto o Tauranga, ehara i te ahuatanga hou. Koira taa Pou Temara o Te Roopu Whakamana i te Tiriti.
Copyright © 2017, UMA Broadcasting Ltd: www.waateanews.com