July 19, 2017
Ko te tiriti o Waitangi ka arahi i a taatou katoa
Ko te tiriti o Waitangi ka arahi i a taatou katoa
Huri rawa ake ki te roopu Opportunities Party, hei taa to ratou kaiarahi a Gareth Morgan, me noho te Tiriti o Waitangi hei tahuhu ture mo tenei whenua. Katahi ano a Morgan ka whakapuaki i te kaupapa hou a tona roopu e whai ai te hunga rangatahi i te rua rau taara ia wiki. Hei taana, ko te Tiriti o Waitangi te tuuaapapa o tenei whenua, ahakoa Maori mai, ahakoa tauiwi mai te tangata.
Maa te maori teera e whakatau
Ae ranei me whakakore i nga turu torangapu Maori. Hei taa Heenare Kiingi, kaitaatari take torangapu, e turaki ai i taua kaupapa a Winston Peters, me noho te Maori ki te rarangi pooti Maori.
He tirohanga hou mo ngā manene
Kua whakarewahia e te roopu toorangapuū maori taa ratou kaupapa e pa ana ki te hunga manene. Hei taa ratou, me haere nga manene hou ki tenei whenua ki nga rohe mo te rua tau, ki te mahi ki reira me te awhina i nga rautaki whakawhanake i nga rohe. Hei taa ratou, tokomaha rawa nga manene e kutere atu ana ki Tamaki.
Kia ora ai te taiao o taua takiwa
Kei te tuku taura kutai a Ngati Whatua ki Orakei ki te whanga o Okahu kia ora ai te taiao o taua whanga. He mea hanga enei taura nei ki te harakeke, a, e hia rau ka tukuna ki te whanga kia tipu ano ai te taupori kutai ki roto kia hoki mai ano ai te tini a Tangaroa ki te kai me te whakaora i te whanga. Hei taa Richelle Kahui-McConnell, he tuatahitanga tenei momo kaupapa, puta noa i te ao.
Hee katoa taua ahuatanga
Katahi te whakaaro poroheahea, ko to Winston Peters kia whakahaere pootitanga e hangai ana ki nga turu torangapu Maori. Koira taa Rahui Papa o te Paati Maori.
He maha ngaa wahanga o te penihana
Hei taa te kaiarahi i nga Kakariki a Metiria Turei, i whaaki ia i nga korero mo tana tinihanga i te punaha penihana i nga wa o mua kia kite marika ai tatou he punaha pakaru taua punaha. Hei taana, ko te take i whaaki ai ia i ona hara, he hiahia nona kia marama tatou ki nga uauatanga e pa atu ana ki te hunga tuakoka.
Copyright © 2017, UMA Broadcasting Ltd: www.waateanews.com