August 01, 2017
He Maori ki te turanga kaiarahi tuarua
He Maori ki te turanga kaiarahi tuarua
Kotahi rau tau tatou e tatari ana kia eke tetahi Maori ki te turanga kaiarahi tuarua i te roopu Reipa. Ko Kelvin Davis te Maori tuatahi kia eke ki taua turanga rangatira, whai muri iho i te pikinga ake o Jacinda Adern ki te turanga kaiarahi matua inanahi.
Rere nga mihi ki a Davis
Heoi, e rere ana nga mihi ki a Kelvin Davis. Hei taa te perehitini o te RTM a Tuku Morgan, he tohu tenei pikinga o Davis ki te turanga kaiarahi tuarua i te roopu Reipa, o te mana nui o Davis i roto i te rohe o Te Tai Tokerau, i waenganui hoki i ona hoa torangapu o Reipa. Hei taa Morgan, e tika ana kia poho kereruu nga Maori katoa ki a ia.
Te hui Matariki Expotential
Hei taa te tumu whakahaere Maori o Callaghan Innovation, i tino whai hua te hui Matariki Exponential i tuu ki Rotorua i nga rangi whakataa nei. Hei taa Hemi Rollerston, i reira te tokopae e korero ana mo te takhi i te ara huarahi i roto i te ao matihiko hei painga mo te iwi Maori. Hei taa Rollerston, he miharo te kaha o te tuakiri rakahinonga o te iwi Maori.
Nga take o Ngatiwai
E tautoko ana te poari o Ngatiwai kia mahitahi te marae o Mokau me te Whare noho i Whangaruru a Helena Bay Lodge. I tonoa e Helena Bay Lodge ki te ono tekau mano rita o te wai kia whaangaihia te paatiitii ki reiraa, engari kaaore raatou i kookiritia te tono nei whai muri i ngaa koorerorero ki ngaa maangai o te marae o Mokau. Inaianei, kei te kimi huarahi maamaa, i runga i te whakaaro kotahi, ko te oranga o te wai te mea nui. E aii ki a Haydn Edmonds, heamana o te poari o Ngatiwai, E tika ana kia mahitahi ai te marae, te hapu o Te Uri o Hikihiki o Ngatiwai, te kaunihera me teenei whare noho a Helena Bay Lodge, kia whai rongoa, huarahi pai ake ma te katoa.
Piki te tautoko mo Te Roopu Kakariki
E whakaae ana a Marama Davidson, kaitono i te turu o Tamaki mo Nga Kakariki, na te whaakitanga a Metiria Turei i tana tinihanga i te punaha penihana i nga wa o mua, kua piki te tautoko ki a ratou o Nga Kakariki i roto i nga tatauranga o te wa. E ai ki nga tatauranga a Colmar Brunton, kei Nga Kakariki te tekau ma rima oorau o te tautoko, a, hei taa Davidson, te ahua nei kua whai hua te whaakitanga a Turei, a, kaore e kore kua whakawhiti etahi o nga kaipooti i a Reipa ki Nga Kakariki.
Copyright © 2017, UMA Broadcasting Ltd: www.waateanews.com