August 11, 2015
Mahi rehe
Mahi rehe
Kua whakaritea ko Taa Pita Sharples hai toa, hai kaitautoko whakarae mo te akoranga mahi a rehe Maori Pasifika o Taamaki Makaurau.
Hai taa Kirk Sargent kaiwhakahaere o te hootaka raa he nui te mana o Taa Pita, he whaanui ona wheeako i te ao whaanui.
No reira ka huri a Taa Pita ki te tautoko i te kaupapa me nga hononga ki nga kamupene nunui.
Moomona
E tika ana me whakarite huarahi ki te akiaki i te Maori ki te huri ki nga kai papai, ki nga whiringa hauora.
Koia te karanga a nga kairangahau hauora me te aawangawanga ki te rahi o tatou e paangia nei e te mate huka.
Aapiti atu he nui atu nga maauiuitanga ka rongohia na te moomona o te tinana.
Ki taa ratou ano kei tetahi taiao tatou e whakatenatena ana i te tangata ki te kai raapihi, ki te kai i nga mea kino mo te hauora ki te inu i nga inu kii katoa i te huka.
Paangarau
Me whakatupu i nga puumanawa paangarau ki roto i a tatou te Maori.
Hai taa Hekia Parata Minita Maatauranga he paanga maahorahora to te Maori ki te paangarau e tika ana me whakatenatena i taua momo puumanawa kia pakari ai.
Hai taa Parata ano kei te kite i te hononga o nga kaupapa paangarau ki nga mea katoa i tenei ao hurihuri.
Rangahau
Ka rangahau i nga tikanga rangimaarie o Parihaka.
Ko kairangahau Tonga Kaarena kua whakawhiwhia ki te 75 mano taara ki te aru i tana tohu kairangi.
Hai taa Kaarena ko tana mahi kia kohikohi, kia wetewete hoki i nga moohiohio mo Parihaka
ma reira ka whai maaramatanga etahi atu. Ki a ia ano he nui nga korero mo Parihaka kaore ano i korerohia…
maana te tirohanga a te iwi e whakaputa.
Copyright © 2015, UMA Broadcasting Ltd: www.waateanews.com