November 27, 2015
Rautaki
Rautaki
E whakanui ana i nga reo o te ao i te raa nei ki Taamaki Makaurau.
Ko te roopu whakatairanga reo o Comet tera kei te whakarewa i taa ratou rautaki reo mo nga iwi o Taamaki.
He kaha taa ratou karanga kia pupuri, kia whakaako, kia whakamaioha i nga reo katoa.
Hai taa Susan Warren kaiwhakahaere o Comet ehara ma te reo Paakeha anake ka whai waahi te tangata ki nga whenua katoa.
Te hau Poneke
Neke atu ki te 130 kiromita ia haora te tere o te hau i Poneke tenei rangi.
Kua whakaroa i nga wakarererangi na te hau puukerikeri a Taawhirimaatea aa kua aukatingia etahi rerenga.
E kii ana te tari huarere ka rongo tonu a Poneke me nga waahi maarakerake i nga paanga o te hau i te ahiahi nei engari ka tau hai te roanga o te po.
Ka huri te mahara ki a Jonah
Ka hoki a Jonah Lomu ki te papataakaro o Eden Park a tera wiki ko tana taunga whakamutunga ki reira.
Ka tuu tetahi hui whakamaharatanga ki a ia a te Mane atu i te kotahi karaka.
Ko kaiwhakapaaho a John Campbell ka hautuu i nga whakaritenga ka tuu hoki ko etahi kaiwaiata ma ratou e whakanui i tera o nga toki taakaro.
Copyright © 2015, UMA Broadcasting Ltd: www.waateanews.com