August 13, 2017
Kaupapa Arohatia Aotearoa
Kaupapa Arohatia Aotearoa
Arohatia Aotearoa ko ia te kaupapa e whakatairangatia ana e te roopu kaakaariki i taa raatou raa huihuinga a motu tuarua i roto i te whakataetae kowhiringa pooti a motu e tuu mai nei. Kua whakaara ake anoo te kaupapa nei hai kaupapa whakapoapoa pooti i runga anoo i too ratou tuutakarerewa ki te whai pooti e rima wiki noa iho e toe mai i te whakataetae kowhiringa a pooti.
He nanakia ki Waikato
Kai te kimi tonu nga pirihimana o Waikato i tetahi nanakia i whakatu puehe ki te rohe o Te Aroha inanahi ra. I rere poka noa ngaa mataa a te hunga whakatumatuma nei ki tetahi apiha i muri i te parahutihuti haere o toona waka i te rohe o hauraki.
Nga iwi a Toi-te-huatahi
Kua paihere ngaa iwi o te moananui a Toi-te-huatahi me oona kaunihera a rohe kia waananga ai te noho tahi a ngaa iwi mana whenua me te karauna i raro i ngaa oati o te titiri o Waitangi, Hai taa Apapeta Tahana anoo te rite o te noho tahi a nga kaunihera me ngaa iwi ki te hononga mareikura.
Nga whare wananga Maori
E kore e waiho te kaha o ngaa whare waananga Maori ki te pakanga atu ki te hunga kaikiri o nga whare wananga auraki o te motu kia mau tonu ai ngaa waananga Maori ki oo raatou ake mana hei whare wananga mo te motu. Hai taa Mereana Selby te upoko o te Tauihu o ngaa wananga Maori e tohe ana raatou i te tohe o te kai.
Copyright © 2017, UMA Broadcasting Ltd: www.waateanews.com