April 25, 2017
Kamupene B te rua tekau ma waru
Kamupene B te rua tekau ma waru
Kei te akiaki te kaituhi i te pukapuka mo Kamupene B o te rua tekau ma waru, a Taa Harawira Gardiner, i nga whanau o aua hoia kia tohatoha i waa ratou korero me o ratou whakaahua e pa ana ki o ratou tuupuna. Kua oti i a ia te hukihukitanga tuatahi o te pukapuka, engari, hei taana, kaore e kore he maha nga korero me nga whakaahua e puritia tonutia ana e etahi whanau, me te kore mohio ki te uara nui o aua rauemi. No Mataatua, Te Arawa, Tuwharetoa, Whakatohea, Tauranga Moana, Hauraki me Maniapoto nga toa o Kamupene B o te rua tekau ma waru.
Kei te anga whakamua a Te Ataarangi
Ahakoa te korero a etahi e ngaro haere ana te reo Maori, kei te whakapau kaha Te Ataarangi ki te whakatahuri i nga tatauranga kia hoki whakamuri ake te reo i te pari o te rua. Hai taa Raahera Shortland, e ngana ana ratou o Te Ataarangi ki te whakapakari i te reo o nga kaiako i roto i nga kura.
He roopu hou ki Turanga nui a Kiwa
Kei te whakatuu roopu hou te Kaunihera o Turanga kia pai ai te mahi tahi a te iwi me te Kaunihera. Ko te kahika a Meng Foon, ko te tokorima kaikaunihera tae atu ki nga mangai tokorua no Rongowhakaata, Tamanuhiri me Te Aitanga-a-Mahaki ka noho ki te roopu hou nei. Hei taa Foon, ko te whainga kia tiaki te roopu nei i nga rawa o te rohe, me te aronui ki te mana o te Maori ki te wai, ki te whenua, ki nga wahi tapu me era tu momo taonga.
Korea ki te Raki, he raruraru nui
Kei te whakaweti a Korea ki te Raki i a Ahitereiria kia kaua e tautoko i nga whiu kua utaina atu e Amerika ki runga i a Korea ki te Raki. Nei ra nga whakaaro o Henare Kingi o Te Tai Tokerau
He huarahi hou mo Te Papa Tongarewa?
E rapu huarahi ana Te Papa Tongarewa e hono ai aa ratou taonga ki nga iwi, nga hapu me nga uri na ratou ake. Koira taa Arapata Hakiwai, mangai mo Te Papa
Ko te hootaka whakarauora reo o Te Waipounamu
E kitea ana te kaha o Ngai Tahu ki te whakaora i to ratou reo. Koira taa Taatere McCleod whakarapopoto i te kura reo i tu ki Otepoti i tera wiki.
Copyright © 2017, UMA Broadcasting Ltd: www.waateanews.com