August 13, 2013
He take whenua kei te korerohia
Whakahōkia te whenua ki ngā rangatira.
I ngā tau nuku atu i te kotahi rau e ono tekau ō mua i tū te pakanga tuatahi ō ngā pakanga i waenga i ā tauiwi mē te Māori ki runga i te papa tapu ō Te Kohia.
Kainamu atu ki te tāone ō Whaitara tēnei wāhi e noho tapu ana heoi anō rā he hiahia nō te Poari Hāpori ō Whaitara kia hoko atu tēnei whenua ki tētehi atu.
Kainamu atu ki ngā tau tekau ō mua i tū te hōro i runga i tēnei whenua.
I te tau rua mano mā whā i tākoha te Kaunihera ā Rohe Ki Ngāmotu i tēnei hōro ki te Karapū hākinakina ō Ratapiko nā te ahi i tāhuna atu i tā rātou hōro.
Kua puta mai he ripoata nā te Poari hāpori kia hokohoko tēnei whenua ko te kotahi mano rau e rima tekau mano tāra te uara.
E ai ki ngā ture waru tekau mā tahi i raro i te maru ō te mē ki Public Works Act i mua i te hokona atu ō tētehi whenua e ai ki te ture mē whakahokia ki te mana whenua ki te taitara tūturu.
Hei tā tētehi ō ngā mema nō te Poari ā Joe Rauna i ki nei ‘Mā te hapu ō Pukerangiora te kōwhiringa tua tahi ki tēnei whenua , nā te mea kei te noho tēnei whenua ki roto i ā rātou rohe’.
Copyright © 2013, UMA Broadcasting Ltd