March 04, 2014
He kaahui pakihi hou
He kaahui pakihi hou
Ka tuu kotahi nga iwi e ono o te Puku o te Ika a Maaui ki te hoko i te porohanga 2 ira 5 paiheeneti o kamupene Kaingaroa Timberlands te pakihi ngahere nui rawa o Aotearoa.
Ko Kaakano te iingoa o tera kaahui Maori, ko Ngati Rangitihi, ko Ngati Whakaue, te hononga o Te Arawa River Iwi, ko Ngati Whare ko Raukawa,ko Te Arawa Group Holdings, ko Tuwharetoa nga kaikookiri o te kaupapa.
Kaati kua whakaritea ko Vanessa Eparaima te kaihautuu o Raukawa hai tiamana o Kaakano.
Rena te kii taurangi a Reipa.
Ka tohungia kia whakaneke te paenga o te kaipuke Rena atu i te pae toka o Otaaiti ki waahi kee.
Kua tuku tono nga kaipupuri o te taua kaipuke kia waiho taua paenga i tana takotoranga o naianei.
Hai taa Hauata Palmer o Tauranga Moana kaua e waiho raapihi i te whare o tetahi atu hai kai ma te kiore.
Ukraine to ratou rangatiratanga.
Kia kaha a Amerika me nga whenua whai rawa no te uru o te ao ki te haukoti i te hiahia o Ruuhia ki te whakakapi i te rohe nui o te Crimea.
Koia te iinoi o te waa a te whenua o Ukraine me o ratou kaitoorangapuu.
E whakaae ana to tatou Piriimia a John Key ki te tumanako o te maha noa atu kia mahue i a Vladimir Putin Peretini o Ruuhia nga wawata ki te tauapo i te Crimea mo ratou.
Kaati he tino whakamaatautau kei te haramai kia kite me kore nga whenua o te ao e tuu ai ki te wawao i a iti, ki te whakatika i a rahi.
ACT he whakaaro maangere no ratou.
He maangere noa iho te whakaaro o te roopu taha matau o ACT ki te whakawhaanui i te tikanga haamene taangata hara i raro i te hootaka toru taraika araa kia haere tootika te hunga taahae ki te whare herehere mo nga tau e toru i to ratou hara tuatoru e kore puta wawe.
Hai taa Kim Workman maangai whiriwhiri take whakahara horekau he wairua whakaraara taangata, haapai tumanako,kei roto i tera tuumomo whakaaro he kino noa iho ka puta.
Nga kuri ngaungau taangata.
Aukatingia nga etahi momo kurii araa ko nga mea e ngau ai te tangata.
Koia karanga a Tony Bonne te koromatua o Whakatane whai muri te whakaekenga o tetahi kootiro e whitu tau te pakeke ki Murupara inanahi i huakina taua tamaiti e nga kurii e whaa.
Kaatahi ano te whaanau o te kootira raka ka huunuku mai ki Aotearoa mai Haapanihi whenua otiraa ki Murupara noho ai.
Niania, he rangatira take hauora.
Kua whakaritea ko Riki Niania o Tuuhoe me Ngati Kahungunu ki te tuuranga hai Kaihautuu Hauora Maori o te Poari Hauora o Capital and Coast Health.
He tautoohito a Niania ki te whakahaere kaupapa hauora me te kii a nga rangatira Paakeha e maaia ana ratou ki te ngaakau whakapuke o nga kaimahi Maori ki te tuku i nga ratonga katoa ki nga tuuroro, ki nga haapori katoa i to ratou rohe whaanui.
Copyright © 2014, UMA Broadcasting Ltd