January 25, 2024
Hone Bassett | Me tautoko i te porotēhi i te whakataetae hī ika o Mangonui
E tautoko marika ana a Ngāti Tara hapū o Ngāti Kahu, i te karanga a tētahi o ngā māngai o te iwi, ki te tū porotēhi i te whakataetae hī ika o Mangonui, ka tū ki o rātou taha moana hei te mutunga wiki roa e haere ake nei.
Hei tā tētahi o ngā māngai o Ngāti Tara, hei tā Hone Bassett, ko te mate nui ki a ia, ko te kore whai whakaaro a ngā manuhiri ki ngā kaupapa nei, ki te taiao. Hei tā Bassett, he taonga tukuiho te whenua me te moana, nā ō rātou tupuna.
Hei tāna hoki, “hei tautoko i ēnei kōrero e pā ana ki tā tēnei huihuinga i tēnei wiki nā te mea e tū ana ki te tautoko taku nei whānaunga a Wikatena Popata mai te kōrero e pā ana ki tā tēnei tū ki tēnei ō tātou nei kōrero o te hī ika tēnei o ā tātou nei rohe o ngā tūpuna o Ngāti Kahu.”