August 13, 2014
He reo tuatoru, whaaia!
He reo tuatoru, whaaia!
Me whai waahi nga Maori reo rua ki te ako i nga reo o te ao.
Koia te whakatenatena a Will Flavell kaiwhakataetae o mua o te roopu Reipa i Taamaki Makaurau he kaiako hoki.
Hai taana he iwi mohio te iwi Maori, he iwi kaha hoki tatou ki te totoro atu ki iwi kee whai hononga ai.
Hai taana ano kua kitea te ahei o nga kura reo Maori ki te ako i nga reo pera i te reo Paniora, i te reo Hainamana, i te reo Haapanihi me etahi atu no reira ia e mea ana kia kaha tatou ki te ako i tetahi reo tuatoru.
Nga hua petipeti ka toha ki hea?
Kia tika te tohatoha o nga hua petipeti ki nga haapori o Taamaki Makaurau.
E piirangi ana te Kaunihera o Taamaki ki te whakarerekee i nga tikanga kia tatuu te nuinga o nga hua o te puutea petipeti ki nga waahi i reira tonu te whakapaunga o taua puutea
Heoi ano i tenei waa he iti noa iho te whakahokihanga o te puutea petipeti ki era haapori.
He whakaaro pai to te Kaunihera mo te petipeti.
Heoi ano e kii ana a Ruth Herd kairangahau i nga take o te petipeti he pai te whakaaro o te Kaunihera:
Anei nga kupu a Ruth Herd … whakarongo mai
https://secure.zeald.com/uma/play_podcast?podlink=MjEwNzY=
Taiohi maa, me pooti.
Me pooti, kaua e huri tuaraa, noou te reo o naianei, noou te reo o apopo.
Whitu mano nga Maori kua tangohia i te raarangi pooti na te mea kaahore nga tuhinga korero mo aua taangata i whakahoungia e ratou.
E mea ana te korero ka nui te tini o ratou he rangatahi te ahua nei he wero nui kei mua i nga kaiwhakataetae toorangapuu ki te whakapoapoa i te taiohi Maori, ki te whakapakepake hoki i a ratou, ko tenei waa.
He whakapaaha kua rongohia.
E whakamamao atu ana a David Cuniliffe i ona piringa ki te kaawanatanga o Reipa o te tau 2007.
Koia te waa i urutomokia e nga piriihimana te haapori o Ruatoki.
I reira, i te marae o Te Rewarewa te Kaikoomihana Piriihimana i tenei raa ki te whakapaaha mo te ahua poka noa o aa raatou mahi i taua waa.
Hai taa Cuniliffe e tika ana me whakapaaha te tari na te mea he mahi tera i whakahaeretia e nga piriihimana i raro i to ratou ake mana.
Te kupu a Tame Iti
Heoi ano hai taa Tame Iti he whakaritenga kua roa e taaria ana:
Anei nga kupu a Tame Iti … whakarongo mai
https://secure.zeald.com/uma/play_podcast?podlink=MjEwNzg=
Copyright © 2014, UMA Broadcasting Ltd