September 12, 2014
He aha nga rongoaa?
He aha nga rongoaa?
He nui nga raruraru i te Taitokerau kia kaha te whai rongoaa.
Koia te korero a Kelvin Davis te tangata o Reipa i te Taitokerau.
Hai taana kaore ano te Maori kia tatuu ki tona uaratanga na reira ia e mea ana koia te wawata me te kii ko te huarahi o te maatauranga te ara tika me te whai i to tatou reo.
Hauraki kei te anipaa.
E aawangawanga ana nga iwi o Hauraki ki te timatanga ano o nga mahi keri koura i te taawhaarua o Karangahake.
E meingatia ana na te Papa Atawhai me te Kaunihera a rohe o Hauraki i whakaae ki taua mahi i tera marama.
Hai taa etahi pera i a Winn Brownlee o Ngati Tamateraa ka tuukinotia nga ngahere me nga manu Maori e te keri koura.
Heoi ano ka tuu tetahi poroteehi a te Raatapu.
Nanaia kei mua e rere ana
Kei mua noa atu a Nanaia Mahuta i te rohe pooti o Hauraki Waikato 57 paiheeneti te rahi o te tautoko ki a ia he nui hoki te tautoko mo Reipa i reira.
Ki nga tatauranga o te waa he kaupapa nui ko te reo Maori ki nga kaipooti o te rohe whai muri i nga take nui ake o te maatauranga, tuukino whaanau, tamariki i te rawakoretanga,te utu oranga me te kore mahi.
Ako kore utu
Kua tukua mai e Ipurangi Mana taa ratou kaupapa hai whakamaamaa i nga taimahatanga ki nga pokowhiwhi o nga tauira katoa whare waananga mai, takiura mai.
Hai taa Annette Sykes peretini o Ipurangi Mana e tika ana kia kore utu te haere ki era kura ma reira ka iti ake te nama puutea e piikautia ana:
[CLIP]
Annette Sykes
He hui whakangao
Kei te korero a Te Aati Awa mo nga take oohanga, mo nga take whakangao puutea.
Hai taa Chris McKenzie te tangata o te Paati Maori i te Taihauaauru ko te oranga o te iwi te otinga o nga mahi e korerohia nei:
[CLIP]
Chris McKenzie
Kei te tirotiro tikanga
E werohia ana te tikanga kia noho nga waahine ki muri i te waa o te poowhiri.
Hai taa Pita Sharples Minita Take Maori he kaupapa tautohenga:
[CLIP]
Pita Sharples
Copyright © 2014, UMA Broadcasting Ltd