November 13, 2014
Whare 28.
Whare 28.
E tika ana me aronui tatou ki nga mahi nui a te roopu 28 ka tika.
Koia te karanga a Te Ururoa Flavell rangatira o te Paati Maori mua mai te whakatuuwhera o tetahi whare hou mo te roopu 28 ki Tuuranga a nga raa whakataa.
Hai taa Flavell ano ka whakamohio atu ki te motu i te ahua o te whakahere a o tatou hoia i nga pakanga ki taawaahi.
Nga Rangahau
Me pehea e whakatupu ai nga mahi oohanga a te Maori kia piki ki taumata tiketike.
Koia tetahi o nga whaainga rangahau a Nga Pae o te Maaramatanga me taa ratou karanga ka wetewete i nga pakihi me nga roopu Maori i te ao pakihi, i te ao o te ture, i nga mahinga whenua.
Ka whakarewa i nga hootaka rangahau e whaa hai te mutunga o tenei marama i Taamaki Makaurau.
Pahuu hoihoi rawa.
Ka nui te hooha o etahi rohe ki te kaha o etahi ki te whakapahuu i a ratou pahuu ahi i te ao i te poo ki etahi takiwaa.
He maha nga amuamu kua tuku atu ki nga Kaunihera me te kii ehara i te mea ko Taamaki, ko Kirikiriroa me nga taone nunui anake ko nga waahi kei reira taua mahi whakaohoho taangata e mahingia ana.
Atu i te kino o te hoihoi raa kei te aawangawangatia ki te maha o nga toa e hoko ai nga pahuu ahi i enei raa.
Tira piriihimana
He aha te rongoaa ki nga raruraru paapori o Kirikiriroa?
Ki etahi me utu i nga tira piriihimana ki te tirotiro i nga huarahi ki te pokapuu o te taone.
Kua tupu haere te rahi o nga taangata patipati me nga whanononga kikino i reira.
Kaati ko te hiahia kia whakakore i te noho kainga kore o te tangata tera pea ka whakarite waahi noho mo ratou.
Taumata tohanga puutea.
Tera pea ka tapahia te puunaha toha puutea ki nga kura araa ko te decile system.
Kua kii taurangitia e Hekia Parata Minita Maatauranga maana e titiro ano ki nga ngoikoretanga i taua puunaha.
E ai ki nga rangahau hou, heke ana te taumata o te kura, ka heke hoki nga otinga ako.
I tenei wiki ka tohungia te nuinga o nga kura o te motu ka whakarerekeehia a ratou taumata.
Copyright © 2014, UMA Broadcasting Ltd: www.waateanews.com