September 18, 2017
Kaupapa whenua o Nahinara
Kaupapa whenua o Nahinara
Ki te whakatinana a Nahinara i tā rātou kaupapa e hoko ai rātou i ngā whenua o Landcorp ki ngā kaiahuwhenua rangatahi, ka riri te iwi Māori. Koirā te heitara a Mita Ririnui, Minita o mua i ngā Take Tiriti nō Ngāti Whakahemo. Kua roa nei a Ngāti Whakahemo e whawhai ana kia whakahokia o rātou whenua i raro i te maru o Landcorp. Hei tā Ririnui, he maha hoki ngā iwi me ngā hapu o te motu e rite ana ki a rātou.
Te roopu torangapu Māori
Me pooti koe ki te RTM, otirā, ki a Shane Taurima i Tāmaki Makaurau, mā reira ka kore a Winston Peters e whai mana nui ki te tohu i te Kāwanatanga. Koirā tā Shane Taurima ki a mātou o Waatea. Hei tāna, ahakoa ko wai te Kāwanatanga hou, a Reipa, a Nahinara rānei, he mea nui kia whai waahi te RTM ki taua Kāwanatanga.
Copyright © 2017, UMA Broadcasting Ltd: www.waateanews.com