max
°
min
°
Location:
COLOR-Waatea logo 2016-final

On Air Now
Radio Waatea

10:00am - 12:00pm
Ed Sheeran

Whakatū whare a Fletchers ki Ihumātao

Share to Email
Share to RSS
Share to Print

Whakatū whare a Fletchers ki Ihumātao

Hei tā te roopu e noho whakatāuteute ana ki runga i ngā whenua o Ihumātao, me kuhu mai te Kāwanatanga ki te aukati i te hiahia o Fletcher Residential ki te whakatū i te 480 whare ki Ihumātao. Kua whakaae te Pouhere Taonga me te Kooti Taiao kia whakatū a Fletchers i aua whare, ahakoa ngā tono whakahē a te roopu e kōrerohia nei, arā, a SOUL. Hei tā te māngai mō SOUL a Brendan Corbett, he maha ngā waahi tapu Māori ka tūkinohia, ki te whakatūria ēnei whare, nō reira, mā te Kāwanatanga e aukati.

 

Pupuhitanga ki Karipōnia

Tekau mā toru ngā tāngata kua mate i roto i tētahi pāpara kāuta i Karipōnia, arā, i te Borderline Bar and Grill, whai muri iho i te pupuhitanga o rātou e tētahi weriweri mau pū. E ai ki ngā kōrero, nō te ope tauā te kaipupuhi.

 

Marsden Fund ki a Joanna Kidman me Vincent O'Malley

Kua whai pūtea a Ahorangi Joanna Kidman o te Whare Wānanga o Te Whanganui-ā-Tara rāua ko Tākuta Vincent O’Malley o HistoryWorks i te Marsden Fund, ki te rangahau i te tuku ihotanga o ngā maumaharatanga e pā ana ki ngā riri whenua o Aotearoa. Nā te haere ki ngā waahi i tū ai ngā riri whenua o Aotearoa, te pukapuka a O’Malley mō ngā riri whenua i Waikato me te petihana ā ngā tauira o te kura o Ōtorohanga kia tū he rā motuhake mō ngā riri whenua o Aotearoa, ka toko ake te whakaaro kia rangahaua te tuku ihotanga o ngā maumaharatanga ki ngā riri whenua nei.

 

Marsden Fund ki a Aroha Harris me Melissa Williams

Kua whai ngā kairangahau nei, a Aroha Harris rāua ko Melissa Williams i te $622,000 i te Marsden fund, ki te rangahau i ngā wawata o ngā whānau Māori kia whānau ora rātou, i pēhea rā hoki tā rātou pupuri i aua wawata, ahakoa ngā tāmitanga, ngā kaikiritanga me ngā tūkinotanga o ngā pūnaha Pākehā o tēnei whenua ki a rātou. Hei tā tākuta Harris, ka aronui rāua ki ngā kōrero a ngā wāhine, ngā tamariki me ngā whānau.

 

Māori e whai ana i te mahi kaiako kōhungahunga

E ai ki te whare whakangungu kaiako kura kōhungahunga, arā, a Te Rito Maioha, kua piki te tokomaha o ngā Māori e whai ana i te mahi kaiako kōhungahunga hei mahi mā rātou. Hei tā te tāhūhū rangapū a Kathy Wolfe, he hautoru o ngā tauira ka whakapōtaetia e rātou hei ngā wiki tata nei, he Māori. I tēnei wā, kotahi mano, ono rau kaiako kura kōhungahunga te hiahia, hei whakakapi ake i ngā tūranga e wātea ana i tēnā kura kōhungahunga, i tēnā kura kōhungahunga.

 

Louisa Wall ki Whīti

E haere ana te māngai torangapū mō Manurewa a Louisa Wall ki Whīti a ēnei rangi whakatā, ki te mātakitaki i tā rātou kōwhiringa pooti ka tū a te rā apa. E haere ana hoki ngā kaitorangapū o Inonīhia, Inia me Ahitereiria ki te mātai i ngā whakahaere o te kōwhiringa nei. Hei tāna, he mea tono rātou e te Kāwanatanga o Whīti, kia tika ai te haere, whai muri iho i ngā raru i pā i te tau rua mano mā ono, arā, te rironga o te mana Kāwanatanga i a Frank Bainimarama i raro i te ringa kaha o te ope tauā.

 

 

Copyright © 2018, UMA Broadcasting Ltd: www.waateanews.com

Korihi Dates

flu cmdhb apr 2020

TRM Classes
NLC - One More Try - (feat Stanley T) [Official Video]
Dr Rawiri Taonui | Covid | Modelling of border breaches demonstrates need to reduce arrivals 21 September 2020
Dr Rawiri Taonui: On 8 September modelling by this researcher showed that if the government did not reduce the number of arrivals into New Zealand there would be another breach at the border or in Managed Isolation and Quarantine (MIQ) leading to a further Covid-19 outbreak in October or November. Since then, there have been two such breaches on 13 and 19 September.
Dr Rawiri Taonui | World Passes 30 million Covid cases 19 September 2020
Dr Rawiri Taonui: Two days ago, the official number of Covid-19 cases worldwide passed 30 million. The last 10 million came in 38 days over four times faster than the 154 days for the first 10 million.
Whoever wins the election, when are Māori going to be given real agency?
Martyn 'Bomber' Bradbury: Whoever wins the election, there is a renaissance within Māoridom that refuses point blank to co-operate any longer with a system that is structurally biased against them.
0
TMP2
           

Submit

Glossary

 

Subscribe

Enter your email address to receive regular updates from Waatea News.
  • fb

On Air Now
Radio Waatea

10:00am - 12:00pm