max
°
min
°
Location:
COLOR-Waatea logo 2016-final

On Air Now
Radio Waatea

06:00am - 07:00am
Ed Sheeran

Renata Blair Poari Whakahaere i a Eden Park

Share to Email
Share to RSS
Share to Print

Renata Blair Poari Whakahaere i a Eden Park

Kua whakaūngia a Renata Blair o Ngāti Whātua Ōrākei ki te Poari Whakahaere i a Eden Park. Hei tā te Minita i ngā Take Hākinakina a Grant Robertson, he mea kopou a Blair e ia ki taua Poari, na te mea, he pūkenga ōna, he mōhiotanga ōna hei āwhina i taua Poari i roto i āna whakatau nui. He pakihi tā Blair, ko Strategic Pathways Ltd, te ingoa. Ko te mahi a taua pakihi, he whakahaere hui nui.

 

Tokomaha e tautoko ana i te kaupapa a Greenpeace

Hei tā te tāhūhu rangapū o Greenpeace a Russel Norman, he mea nui tana tukutanga atu i te kooti me te kore hāmene mo te poroteihi ki te taenga mai o te Amazon Warrior ki konei. Nō tērā tau, ka kauhoe atu a Norman rāua ko Sara Howell o te Roopu Kākāriki ki mua i taua kaipuke i waho i a Ahuriri, kia kore ai taua kaipuke e āhei ki te mahi i tāna mahi taunaha hinu i taua wā. Hei tā Norman, tokomaha ngā tāngata e tautoko ana i te kaupapa a Greenpeace, kia mutu tā tātou whakamahi i ngā rawa a Papatūānuku, kei pau mo ake tonu atu.

 

Pūtea mo te hunga i panaia i o rātou whare

E kore te nuinga o ngā tāngata waru rau i panaia i o rātou whare pāpori i te wā i whakamātautauhia ai aua whare mō te taimiri i roto i ngā pātū, e whai i te utu pāremata e whakaratohia nei e te Kāwanatanga. Koirā tā Alan Johnson o te Ope Whakaora. Hei tā te Minita i ngā Take Whare, nō te Kāwanatanga o mua te hē, engari, mā te Kāwanatanga o te wā e whakatika, a, ka tuku pūtea pāremata ki te hunga i panaia i aua whare hei whakaea i te pūtea i pau i a rātou ki te kawe i o rātou taputapu ki waahi kē, ki te kimi whare anō hoki. Heoi, hei tā Alan Johnson, kaore e kore, kua ngaro i aua tāngata rā ngā rēhita mō ngā nama i pau i a rātou ki te nuku whare.

 

Tohea ana ngā whenua o Tāmaki

E wawata ana te māngai torangapū mō Tāmaki Makaurau a Peeni Henare, ka tau te puehu e pā ana ki ngā tono raupatu i roto o Tāmaki Makaurau, i te whakatau a te Kooti Ikeike kia hoki atu ngā iwi e kōkiri ana i ēnei tono, ki te kooti teitei ki te whiriwhiri anō i te āhua o ngā whenua e kokorahotia ana e rātou, arā, mēnā rā e noho kē ana aua whenua ki te rohe o ētahi atu iwi. Hei tā te Kāhui o Marutūahu, ko tā tēnei whakatau a te kooti, he whakawātea i te huarahi e tutuki ai tā rātou tono raupatu, heoi, hei tā Ngāti Whātua Ōrākei, e wātea ana rātou ki te tohe mō o rātou tika ki ngā whenua o Tāmaki. Hei tā Henare, mai rā anō ngā whenua o Tāmaki e tohea ana.

 

Te whakataunga tiriti a Ngāti Maniapoto

Kua kii atu te Karauna, e kore e taea e rātou te whakatutuki i te whakataunga TOW a Ngāti Maniapoto i tēnei tau. Hei tā te toihau o te Rūnanga o Ngāti Maniapoto a Tiwha Bell, i tōna tikanga kia whakatutukihia te whakataunga a te marama o Hakihea, engari, kua ara ake ētahi kaupapa uaua hei whiriwhiri anō mā rātou. Hei tāna, ka waitohua te whakataunga nei a te timatanga o te tau rua mano tekau mā iwa inaianei.

 

Ngā kirihou ki roto i tō tātou taiao

Kua kiia atu ngā kaitorangapū o te Whare Pāremata, he raru nui te horapa haeretanga o ngā kirihou ki roto i tō tātou taiao, a, ko ngā manu o te moana ētahi e tino mate ana i tēnei tū āhuatanga. I takatū ake te roopu Ngahere Manu ki mua i te aroaro o te Komiti Whiriwhiri Taiao o te whare pāremata i ngā rā tata nei. Hei tā tō rātou māngai a Karen Baird, e pōhēhē ana ngā manu moana nei, he kai kei roto i ngā kirihou, mea rawa ake, ka raoa, ka mate. Hei tāna, ko ētahi o ngā manu nei, pēnei i te Tītī me te Oi, kei konei anake e paopao hēki ana.

Copyright © 2018, UMA Broadcasting Ltd: www.waateanews.com

TMP2

TRM Classes
NLC - One More Try - (feat Stanley T) [Official Video]
Brown Wave joins a Labour Red Wave to reshape NZ political landscape
Martyn 'Bomber' Bradbury: I started 2020 arguing that Māori would be a decisive voting block in this election, but not even I could have hoped for the kind of result we ended with.
Dr Rawiri Taonui Election 2020 | The Old and the New, the Best and the Worst of the Māori campaigns
Election 2020 has seen the strongest Kaupapa Māori campaigns since Tariana Turia resigned from the Labour Party, formed the Māori Party and won the 2004 Te Tai Hauāuru by-election.
Maori electorates will decide the transformative power of Jacinda's second term
Martyn 'Bomber' Bradbury: Unbelievable turn out in the Māori electorates right now with double the advance voting this time last election.
0
TMP2
           

Submit

Glossary

 

Subscribe

Enter your email address to receive regular updates from Waatea News.
  • fb

On Air Now
Radio Waatea

06:00am - 07:00am