Saturday November 25, 2017   Last updated 22:45PM
max
°
min
°

On Air Now | Radio Waatea

10:00pm - 11:59pm
Ka mihia te Wiki o te Reo Māori e te Minita
©Waateanews.com

Share to Email
Share to RSS
Share to Print

11 Mahuru 2017

Pānui Pāpāho

Ka mihia te Wiki o te Reo Māori e te Minita

 

Kua takoto te mānuka e te Minita Whanaketanga Māori mō te Wiki Reo Māori i tōna tau 42 ka tīmata i te rangi nei

“Whakamahia te Wiki o te Reo Māori kia panonihia ai tō ao ki tua noa atu i te wiki nei” te kī a Minita Flavell.

“Ahakoa te taumata o tō reo Māori, ka taea e te katoa te panoni tētahi āhuatanga o tō rātou ao ki te tautoko i te pikinga ake o te reo Māori i ō tātou hapori.”

“Tērā pea he mea ngāwari noa pēnā i te kī ‘Mōrena’ i ia ata, i te kōrero ‘kia ora’ rānei kaua kē ko te ‘thank you’.”

E kī ana te Minita ko te oranga ake o te reo Māori hei reo kōrero o ia rā, o ia rā i te pāpori tētahi o ngā whāinga o Te Ture mō Te Reo Māori (te Māori Language Act) 2016.

“He whakamaumaharatanga pai Te Wiki o te Reo Māori o tēnei whāinga ki te kōrero me te tautoko i tō tātou reo kia rangona ai i ngā wāhi katoa i ngā wā katoa.”

E ai ki te Minita ko te pine #kōrero he mea i whakaputaina hei wāhanga o ngā mahi whakanui i a Rotorua nōna i whakawhiwhia ki te taitara o te Tāone reorua tuatahi o Aotearoa.

“Mō te hunga e hiahia ana ki te whakaatu i tō rātou tautoko mō te reo Māori, me ēra hoki e hiahia ana ki te whakamahi i te reo kia nui ake te reo i tō rātou ao ia rā, ia rā.”

“Ahakoa te pai o te reo o te tangata, ko te mea nui ko tō tātou hiahia ki te tautoko me te whakarauora ake i tō tātou reo tangata whenua nei.”

E kī ana te Minita ka whakaputaina he pine #kōrero hiriwa he mea motuhake hei wāhanga o ngā mahi whakanui i Te Wiki o te Reo Māori.

“Ko te kaupapa o Te Wiki o te Reo Māori ko te Kia ora te reo Māori, ā, ka harikoa taku ngākau ki te kite i ngā tāngata o Aotearoa e whakamahi ana i tērā hei hiringa, hei ranga wairua ki te whakapiki i te nui o te reo Māori i ō rātou ao.”

MUTU

 

Ētahi atu kōrero

 

He whakarāpopototanga o Te Ture mō Te Reo Māori 2016

I whakamanatia Te Ture mō Te Reo Māori (the Māori Language Act) 2016 e te Pāremata i Paengawhāwhā/Apireira 2016.

Kei roto i te reo Māori me te reo Ingarihi te tuhinga, ā, ko te ture tuatahi tēnei o Aotearoa kia waiho ko te reo Māori hei reo mana ā-ture o te tuhinga.

Ko tāna ko te whakahau i te kaingākau o te Karauna ki te mahi ngātahi ki ngā Iwi me Ngāi Māori ki te whakamarumaru me te whakatairanga kaha i te reo Māori, ā, i whakatūria hoki Te Mātāwai, he hinonga hou hei ārahi i ngā mahi whakarauora ake i te reo Māori mā ngā iwi me Ngāi Māori.

Mahuru Māori: 1 - 30 o Mahuru

Nō te 1 o Mahuru i tīmata te Mahuru Māori tuatoru. Ko tā te Mahuru Māori he akiaki i ngā kaikōrero Māori ki te kōrero i te reo Māori mō tētahi wāhanga, mō te katoa rānei o te marama. Neke atu i te 600 tāngata kua rēhita ōkawa ki te mahi i te Mahuru Māori, he neke atu i te 1,000 i hono atu ki te Whārangi Mahuru Māori o Pukamata (Facebook). Nō te tohunga reo, kaitautoko hoki a Paraone Gloyne te whakaaro i te tuatahi. Kei te whakahaeretia te kaupapa e Te Wānanga o Aotearoa. Mahuru Māori Facebook - https://www.facebook.com/groups/mahurumaori/

 

Hīkoi Reo Māori: 11 o Mahuru

11am, Rāhina/Mane, 11 Mahuru/Hepetema, Cenotaph, Lambton Quay, Wellington

E tono mai ana Te Taura Whiri i te Reo Māori - Māori Language Commission i ngā rōpū katoa i ngā rāngai tūmatanui, tūmataiti rānei me ngā whare wānanga, ngā wānanga, ngā kura auraki, ngā kura Māori, ngā pokapū tākaro, ngā pokapū kōhungahunga, ngā kura pūhou, ngā kōhanga reo, ngā tīma hākinakina, ngā rōpū, ngā kapa haka, ngā marae me ngā hapū puta noa i te rohe o Pōneke kia haere mai ki te hīkoi hei whakarewa i Te Wiki o te Reo Māori - Māori Language Week 2017.

http://www.tetaurawhiri.govt.nz/events-and-promotions/hikoi-whakangahau-mo-te-reo-maori-en-nz/

 

Te Atakura o te reo Māori: 13- 14 Mahuru

E whakanui ana i te whā tekau tau mai i te whakatakotoranga o te Petihana Reo Māori ki mua ki te aroaro o te pāremata, ka tū he hui taumata rua rā te roa e whakanui ana i te hainatanga o te petihana. https://teatakurasite.wordpress.com/

 

Moana Reo Māori

Te whakaputanga o te Whitiāhua Moana ki te reo Māori.

https://www.facebook.com/moanareomaori/
 

Copyright © 2017, UMA Broadcasting Ltd: www.waateanews.com

TWWoA 300x150 Info Days
Rheumatic Fever
E-Tangata-191117
Waatea TV
 
Irirangi Waatea Kaiwhakahaere Bernie O'Donnell, Te Ati Awa
Te Puea Marae Chairman Hurimoana Dennis
Hurimoana Dennis was found Not Guilty for kidnapping.
Dr Leonie Pihama Associate Professor
Te Kotahi Research Institute (TKRI) has taken out the New Zealand Research in Education's (NZARE) Group Award for a second time after receiving the award previously in 2015.
Te Ao Pritchard Pacific Panthers Organiser
Breakfast Host: Dale Husband
Dr Alex Macmillan Advisor to the Royal Society Report
Health professionals from around the country are meeting today in Wellington, to talk about how the NZ health sector can respond to the challenges of climate change for health and healthcare services.
Tamaki Makaurau MP Peeni Henare
Breakfast Host: Dale Husband
Jacinta Ruru Professor MAI Doctoral Conference
The 2017 MAI Doctoral Conference hosted by MAI ki Massey in Palmerston North, was held last week from 16 -18 November and Co-Director Jacinta Ruru commented just how powerful and empowering this gathering of Maori and Indigenous doctoral students is; "This is such an important annual opportunity to bring together incredible postgraduate students from around the motu to spend time together supporting and inspiring one another.
1 Ngahiwi Apanui | Nga tohu reo Maori 2017
Kei Te Whanganui a Tara tenei kaupapa tuu ai ki Te Papa Tongarewa. Apopo tatou mohio ai ko wai ka hua ko wai ka tohu
2 Kevin Prime | Te ngangara kino e whakamate ana i wa taatou rakau Maori
Kua mahuta ake tenei ngangara ki te whenua i te rohe o Tamaki Makaurau
Keystone pipeline spills 5000 barrels of oil & company caught hiring mercenaries
MARTYN 'BOMBER' BRADBURY: 4 days ago the Keystone pipeline leaked 795 000 litres of oil causing a shut down and testing for groundwater contamination. Indigenous peoples, farmers and environmentalists all warned the Keystone Pipeline had the risk of leaks, the company downplayed any such concerns.
No justice in our league
JOHN TAMIHERE: West Auckland has been a nursery for rugby league and in fact has more rugby league clubs representing Glenora, Te Atatu, Waitemata, Blockhouse Bay, New Lynn, Bay Roskill and Pt Chevalier - than rugby.
A blow to democracy
JOHN TAMIHERE : Deputy Prime Minister Winston Peters and the New Zealand public has every right to find out who used private information for political purposes and benefits
0
TMP2
p waateap listenp podcastp rssp facebookp twittercontactus

Submit


Glossary

Subscribe

To receive regular updates from Waatea News.