max
°
min
°
Location:
COLOR-Waatea logo 2016-final

On Air Now
Radio Waatea

08:00pm - 11:00pm
Ed Sheeran

Ngā Take o te Wiki

Share to Email
Share to RSS
Share to Print

Ko te Karere nui o te Wiki kua pahure nei ko te take o te tāhae tamariki o te rōpū whakahaere i ngā take rangatahi a Oranga Tamariki.

Hei tā Hone Harawira, ehara i te mea ko Oranga Tamariki, ko Tāhae Tamariki kē.

Koirā te āhua o ngā kōrero o te matua nei, anō hoki te tokomaha o te Iwi Māori, whai muri i te huhua o ngā raruraru kua pā atu ki te tari nei a Oranga Tamariki āmuri i te rīpoata i puta mai i a Newsroom e kapohia ana ngā rautaki rerekē, kino hoki, mo te kapohanga tamariki mā runga i ngā take mōrearea, otirā, kei raro te Iwi Māori e putu ana i roto i ēnei tatauranga. Kua taupatupatu, kua tautohetohe hoki te kaupapa nei i ngā wiki kua pahure.

E ai ki te kaumātua a Des Ratima, kei te tōtara wāhi rua tonu te iwi me te Kāwanatanga ki raro i tēnei take.

 

Ngāti Rangi - Rukutea te Mana

He wiki hari, he wiki hīkaka mo te iwi o Ngāti Rangi whai muri i to rātou pānuitanga tuatoru ki te whakatau i to rātou kokoraho tiriti - Rukutea te Mana. A te mārama e tū mai nei hau atu ai te iwi nei ki te whare mīere ki Te Whanganui-a-Tara.

Hei tā Whetu Moatane nō te iwi o Ngāti Rangi, i whakaeke te iwi whānui o Ngāti Rangi, me ngā whanaunga o te Awa o Whanganui, ki Te Ūpoko o te Ika, ki te whakanui, me te whakatau i tō rātou kerēme, a Rukutea te Mana.

Kai hauora, kai pai

E whakahau ana ngā mātanga hauora, inā te nui o ngā hua ka whakawhiwhia e te tangata inā tahuri atu ai ia ki te kai pai, ki te tiaki hoki i tōnā tinana

E tika ana tēnei kōrero whai muri i te whakaputanga mai a te Kāwanatanga ki te kī ake, he hiahia nō rātou ki te whakakore i ngā inu nui te huka.

Koirā hoki tētahi kaupapa nui e kōkirihia ana e Jeanine Tamati Elliffe, Kaiārahi hauora Māori i Te Whare Wānanga o Waitaha. Hei tā Elliffe, me hikina e tātou te mānuka kua takotohia e o tātou tīpuna. He maha ngā huanga pai mō te kai pai, kai hauora mo te tīnana me te wairua o te tangata.

Ngā Take Hākinakina

Ki ngā take nui i roto i te ao Hākinakina mō tērā wiki, i whakakorengia te kēmu nui mō Aotearoa i roto i ngā mahi o te kirikiti i tērā wiki mā runga i te kaha marangai ki Ingarangi.

E ai ki te pito o ngā kōrero Hākinakina, a Ken Eruera, me tūpato te kapa Pōtae Pango i tō rātou kēmu e whai ake nei i waenganui i a Īnia, whai muri i te kapa o Ahitereiria, me tō rātou kēmu i ngaro i waenganui i a rātou me Īnia.

Copyright © 2019, UMA Broadcasting Ltd: www.waateanews.com

MUMA2

matariki x
E-Tangata-Generic
LETSLEARN-86
 
It's been 40 days since the Oranga Tamariki footage and the PM + her Minister have still not seen it
40 days since the chilling Oranga Tamariki uplift footage and the Prime Minister and her Minister in charge of Oranga Tamariki still have not viewed it.
Two juxtapositions of the current furore over Oranga Tamariki uplifts
Martyn 'Bomber' Bradbury: " On Friday morning breakfast TV, Judith Collins bristled at suggestions that there was institutionalised racism inside Oranga Tamariki by simply stating, "just stop beating up kids, and you won't need Oranga Tamariki".
Could Dame Tariana Turia's musings cost Labour the Māori vote?
Martyn 'Bomber' Bradbury:     How hard will Jacinda and Grant make it for Willie Jackson to deliver the Māori vote for Labour again?
0
TMP2
           

Submit

Glossary

 

Subscribe

Enter your email address to receive regular updates from Waatea News.
  • fb

On Air Now
Radio Waatea

08:00pm - 11:00pm